"KUTOKUTEKELEZA MIRADI KWA WAKATI NI KUMHUJUMU RAIS SAMIA SULUHU HASSAN" - KAWONGA

Tarehe ya Kuweka: July 31st, 2024

Hayo yamesemwa na Afisa Utawala na Utumishi katika Halmashauri ya Wilaya ya Namtumbo Ndg. Ephrem Kawonga  akimwakilisha Mkurugenzi Mtendaji wa Halmashauri ya Wilaya ya Namtumbo, akizungumza wakati wa uwekaji saini ya Utekelezaji wa Miradi hiyo Miwili  baina ya Halmashauri ya Wilaya ya Namtumbo na Wakandarasi wa Ujenzi wa Mradi wa Madarasa Nane (8) na Matundu kumi (10) ya vyoo katika shule ya Sekondari ya Namabengo pamoja na Ujenzi wa Madarasa matano (5) katika Shule ya Msingi Likuyusekamanga Kawaonga amewataka Wakandarasi Kufanya kazi Kwa kujituma na Kuendana na Muda Kadri ulivyo pangwa na kadri Mikataba yao inavyo jieleza,

Katika hatua hiyo Kawonga amewataka pia  wakandarasi hao kufanya kazi kwa Ufanisi na Kujituma kwa kuzingatia Viwango ambavyo vimekusudiwa na Serikali ya Awamu ya Sita chini ya uongozi wa Rais wa Jamhuri ya Muungano wa Tanzania Dkt. Samia Suluhu Hassan, Kawonga amenukuliwa akisema:-

"kutokutekeleza miradi kwa Wakati ni kumhujumu Rais Samia Suluhu Hassan"

Wakandarasi waliopokea Tenda hizo na Kutia Saini ni Pamoja na Mkaka Construction ambaye amepokea Tenda ya Ujenzi wa Madarasa matano (5) katika Shule ya Msingi Likuyusekamaganga na Kampuni ya Ballpark Construction ambapo Mkandarasi amepokea Tenda ya Ujenzi wa Madarasa Nane (8) Pamoja na Vyoo Matundu kumi (10) katika shule ya Sekondari Namabengo.

Naye Mwakilishi wa Kampuni ya Ball Park Construction  Mhandisi Flowin Shawa amesema Kushinda kwa Tenda hiyo itaendana na Ushindi katika Utekelezaji wa Mradi huo wa Ujenzi wa Madarasa nane pamoja na Matundu kumi ya vyoo katika Shule ya Sekondari ya Namabengo iliyopo Wilayani Namtumbo mkoani Ruvuma.