MENEJIMENTI YA HALMASHAURI YA WILAYA YA NAMTUMBO (CMT) YATEMBELEA BWALO LA SEKONDARI YA DKT. SAMIA SULUHU HASSAN

Tarehe ya Kuweka: July 25th, 2024

Ziara ya Menejimenti ya Halmashauri ya Wilaya ya Namtumbo imeendelea na ukaguzi wa Mradi wa Bwalo la Chakula na Ukumbi uliopo katika Shule ya Sekondari ya Wasichana ya Dkt. Samia Suluhu Hassan  iliyopo Wilayani Namtumbo Kata ya Rwinga, kijiji cha Migelegele.

Katika ziara hiyo Mwenyekiti wa CMT ambaye pia ni Mkurugenzi Mtendaji wa Halmashauri ya Wilaya ya Namtumbo Ndg. Philemon Magesa Amewataka Mafundi kutekeleza Wajibu wao kwa kuzingatia Ubora na Viwango  ili Jengo Hilo liweze kuendana na Matakwa yalio kusudiwa na Serikali,

Magesa amempongeza Rais wa Jamhuri ya Muungano wa Tanzania Dkt. Samia Suluhu Hassan kwa Kutenga Fedha za Kutosha kwaajili ya Ujenzi wa Bwalo hilo Kubwa ambalo linauwezo wa kupokea wanafunzi zaidi ya elfu moja (1,000).
Katika hatua hiyo pia DED Magesa amewataka viongozi wa Halmashauri ya Wilaya ya Namtumbo kufanya kazi kwa Ushirikiano ikiwa ni pamoja na Kila mmoja kuwajibika katika Eneo lake la kazi.